Axenda, Novas

14 e 15 de maio: Curso Adestradores “Award One”

Os días 14 e 15 de maio terá lugar en Vigo o curso de adestradores de fútbol gaélico “Award One”.

Este curso, título oficial do programa da Gaelic Athletic Association, é unha continuación do curso “Foundation” (iniciación), cuxa última edición na nosa terra tivo lugar o pasado 30 de xaneiro. Este programa profundiza tanto en técnica como en tácticas específicas do fútbol gaélico, e permitirá aos alumnos deseñar adestramentos máis amenos e efectivos.

Debido ao contido do curso, que terá unha parte teórica pero será maioritariamente práctica, terá unha duración de dous días (sábado e domingo). A inscrición no curso terá un custo de 25€.

O curso será impartido por Alexandre Sanmartín, actual seleccionador galego e responsable da formación de adestradores de Gaelic Games Europe.

Máis información: 604068390 / coaching.officer.europe@gaa.ie.

Deixa unha resposta

O teu enderezo electrónico non se publicará Os campos obrigatorios están marcados con *